Lauschterkëscht 1

28. April 2026

Stress mech net! Looss mer meng Rou! 

Wann s du sou oder sou änlech reagéiers, wann een dech eppes freet, da bass de zimmlech sécher  gestresst. Dat deet net gutt, a muss och guer net sinn. Wat s du kanns maachen, fir dech ze entspanen, huet de Piwitsch beim Annette Jaffke nogefrot.  

Ween entspaant wëll sinn, muss Saache maachen, déi Freed bréngen. Foto: Shutterstock / Irene Miller

D’Annette Jaffke ass Psychagogin. Si schafft mat Kanner an hëlleft hinnen, sech nees wuelzefillen.  

An dëser Lauschterkëscht gëss du gewuer, wat Stress iwwerhaapt ass, a wat s du kanns maachen, fir dass de nees an d’Gläichgewiicht kënns. 

Setz dech also gemittlech an eng Fotell, a lauschter eran!

Dem Stress kann ee wéi en Detektiv op d’Spuer kommen an en da léisen. Foto: Shutterstock / Roman Samborskyi

Wann s du intresséiert bass, fir méi Informatiounen iwwer en Theema ze kréien, schreif eis gären op info@piwitsch.lu! 

Andere Artikel